Hamyurtimiz Chechenistonda tengsiz bo‘ldi
Kirib kelgan Mavlid oyi munosabati bilan Checheniston Davlat universitetida mavjud fakultetlararo islomiy musobaqa tashkil qilindi.
Bunda jami 10 ta fakultetdan 4 tadan ishtirokchi qatnashib, talabalarning Qur’onga va Payg‘ambar alayhissalomning siyratlariga doir, sahobalar hayoti hamda hadislarga oid bilimlari sinab ko‘rildi. Natijada Tibbiyot instituti talabalari boshqa fakultetlardan g‘olib kelib, birinchi o‘rinni qo‘lga kiritishdi. Quvonarlisi – mazkur Tibbiyot instituti jamoasini yurtimizdan borgan o‘zbek talabalari tashkil qiladi. Ta’kidlash joizki, o‘zbekistonlik 1-kurs talabasi Odil Rahimov Doniyor o‘g‘li 1-o‘rinni oldi. Barcha g‘oliblar faxriy yorliq hamda Mushaf bilan mukofotlanishdi.
Manba: azon.uz
Matnda xatolik topsangiz, o‘sha xatoni belgilab, bizga jo‘nating (Ctrl + Enter)