Hakam "Atletiko" darvozasiga noto‘g‘ri penalti belgilagan (foto+videofakt)

Kecha Madrid derbisida Real Atletiko maydonida ishonchli g‘alabaga erishdi. Ammo qirollik klubi ning ikkinchi goli hakamning xatosi tufayli yuzaga kelgani oydinlashmoqda.

Gap shundaki, Real futbolchisi Vinisius Juniorga nisbatan ishlatilgan qo‘pollikdan keyin bosh hakam Xavyer Estrada Fernandes matraschilar darvozasiga penalti belgilagandi. Ammo keyinchalik oydinlashdiki, qo‘pollik jarima maydonchasidan tashqarida ishlatilgan ekan. Buni quyidagi surat va video ham isbotlaydi.