Germaniyadagi har uchinchi ishsiz kishi nemis pasportiga ega bo‘lmagan xorijlik hisoblanadi

Germaniyada uzoq vaqt ishsiz qolayotgan xorijliklar soni o‘sishda davom etmoqda. Federal Bandlik agentligi ma’lumotlariga ko‘ra, "uzoq muddatli ishsiz" maqomiga ega har uchinchi shaxs Germaniya fuqaroligiga ega emas. 2018-yilda ularning 23 foizga yaqini bo‘lsa, 2024-yilga kelib ularning ulushi 33 foizga o‘sdi – bu ro‘yxatga olingan qariyb 972 ming uzoq muddatli ishsizlarning 317 ming nafarini tashkil etadi.

Bu haqda “Germaniya uchun muqobil” partiyasidan Bundestag deputati Rene Springer departamentga qilgan so‘rovidan so‘ng ma’lum qildi. Rasmiy ma’lumotlarga ko‘ra, ro‘yxatga olinganlarning yarmidan ko‘pi – 533 mingga yaqin kishi ikki yildan ortiq, 260 ming nafari – to‘rt yildan ortiq ishsiz qolmoqda.

Rasmiy ma’lumotlarga ko‘ra, so‘nggi yillarda ishsiz fuqaroligi bo‘lmaganlar sonining asosiy o‘sishi migrasiya bilan bog‘liq. Ularning ko‘pchiligi hali ham ish qidirishda. Shu sababli, barcha xorijiy ishsizlar orasida bir yildan ortiq ishsiz bo‘lganlarning ulushi 29% ni, Germaniya fuqarolari orasida esa 38% ni tashkil qiladi.

Uzoq muddatli ishsizlar ro‘yxatiga kirgan xorijliklar orasida eng ko‘p Suriya, Afg‘oniston va Iroqdan kelgan. Statistikada turklar, Ukraina va Sharqiy Yevropa davlatlari fuqarolari ham ko‘zga tashlanadi. Umumiy tendensiya shuni ko‘rsatadiki, ishsiz muhojirlar soni, garchi ularning barcha ishsizlar orasida ulushi juda yuqori bo‘lmasa ham, ortib bormoqda.