G‘arbiy Yevropaga "bomba sikloni" yaqinlashmoqda

Fransiya, Germaniya va G‘arbiy Yevropaning boshqa mamlakatlariga kuchli to‘fon, “bomba sikloni” deb ataladigan ob-havo hodisasi yaqinlashmoqda, deya xabar beradi Euronews.

Meteorologlarning fikriga ko‘ra, bu — tez kuchayib borayotgan past bosimli hudud. Bu sekundiga 160 km gacha bo‘lgan shamollar, kuchli yomg‘ir va transportda uzilishlar kabi ekstremal ob-havo hodisalariga olib kelishi mumkin.

Siklon allaqachon Fransiyaning Atlantika sohillariga yetib borgan. Payshanbaga o‘tar kechasi uning markazi La-Mansh bo‘yiga yetib bordi va keyin Shimoliy dengiz tomon harakatlanib, Ispaniya, Belgiya, Niderlandiya va Germaniyani qamrab oldi. Shvarsvald mintaqasi va Shimoliy dengiz sohillarida sekundiga 120 km va undan ko‘proq tezlikda shamol esadi.

Sinoptiklarning prognozlariga ko‘ra, bo‘ron Germaniyada juma kuni tushgacha cho‘qqisiga chiqadi. Transport va elektr ta’minoti bilan bog‘liq muammolar bo‘lishi mumkin. Shanba kuni bo‘ronning kuchi zaiflasha boshlaydi, ammo bo‘ronning qirg‘oqdagi ta’siri saqlanib qoladi.

Meteobomba - bu siklon markazidagi bosim 24 soat ichida 24 gPadan ko‘proq pasayadigan bo‘ron. Bu holat bo‘ronga o‘xshash og‘ir ob-havo va xavfli oqibatlarga olib keladi.