Futzal bo‘yicha O‘zbekiston milliy terma jamoasi Marokash bilan Toshkentda 2 ta o‘yin o‘tkazadi

O‘zbekiston futzal terma jamoasi 11-dan 21 dekabrga qadar Toshkent shahrida o‘quv-mashg‘ulot yig‘ini o‘tkazadi.

Xose Venansio Lopez murabbiyligi ostidagi futzalchilarimiz yig‘in davomida amaldagi Afrika chempioni Marokash vakillariga qarshi ikkita o‘rtoqlik o‘yinida maydonga tushadi. Ushbu bahslar 18-20 dekabr kunlari Toshkentdagi Yunusobod sport majmuasida soat 18:00da start oladi.

Bellashuvlarga kirish bepul.

Ma’lumot uchun, Marokash futzal terma jamoasi jahon reytingida 8-o‘rinda joylashgan.