Finlyandiya va Germaniyani bog‘laydigan yagona telekommunikasiya kabeli uzildi

Finlyandiya va Germaniya o‘rtasidagi yagona telekommunikasiya kabeli C-Lion1 uzilgan. Bu haqda Finlyandiyaning Ilta-Sanomat gazetasi xabar berdi .

“Ta’mirlash ishlari boshlandi va kema saytga jo‘natishga tayyor. Ta’mirlashning aniq muddati hali ma’lum emas, lekin odatda dengiz kabellari uchun ta’mirlash muddati 5-15 kunni tashkil qiladi", - deyiladi nashrda.

Hozircha zarar sabablari noma’lum. Nashr, shuningdek, manbalarga tayanib, Finlyandiya rasmiylari hozircha rasmiy izoh berishga tayyor emasligini va xulosa chiqarish uchun nima sodir bo‘lganligi haqida ma’lumot to‘plashga qaratilganligini ta’kidlaydi.