Farzandlarini faqat pishiriq va koka-kola bilan boqqan otaga jazo tayinlandi

Fransiyada o‘z farzandlarini faqat turli pishiriqlar va koka-kola bilan boqqan otaga 3 oylik qamoq jazo chorasi tayinlandi, deb xabar qildi RIA Novosti.

Bu kishi ichkilikdan azob chekayotgan bo‘lib, yolg‘iz o‘zi ikki nafar (3 va 4 yoshli) bola tarbiyasi  bilan shug‘ullanadi.

Aniqlanishicha, ularning uyida hech qanday to‘shak, muzlatgich, uyinchoq bo‘lmagan.

G‘alati oila ijtimoiy xizmatlar e’tiboriga tushadi. Ular bolalarga ovqat sifatida faqat pishiriq va koka-kola berilganligini aniqlashadi. Bunday ovqatlanish tufayli to‘ng‘ich bolaning yettita tishi olib tashlandi.

Hozirgi vaqtda bolalar vasiylarda. Ota Limojedagi qamoqqa jo‘natildi.