Evropaning markazida «mini Rossiya» topildi
Rossiya Ukrainaga bostirib kirgach, boshqa G‘arb davlatlariga qaraganda Serbiyaga nisbatan kamroq ruslar ketgan, biroq aholisi ikki milliondan kam bo‘lgan Belgrad shahrida ularning «borligi juda seziladi». Bu haqda Reuters yozmoqda.
Serbiya rasmiylari va imigrantlar bilan suhbatdan so‘ng agentlik respublikada «mini-Rossiya» shakllangan degan xulosaga keldi.
Shunday qilib, mamlakatda ruslarga qarashli klublar, bolalar bog‘chalari va tibbiyot muassasalari ochilgan. Rus qo‘shiqchilar va qiziqchilari u yerda chiqish qilmoqda, rassomlar esa ruslarga tegishli galereyalarda o‘z asarlarini namoyish etmoqda.
Serbiya Ichki ishlar vazirligining so‘nggi ma’lumotlariga ko‘ra, 2022 yil fevralidan 2023 yil o‘rtalariga qadar 30 mingdan ortiq rossiyalik Serbiyada vaqtinchalik yashash uchun ruxsatnoma olgan. Serbiya rasmiylari o‘tgan yillar uchun qiyosiy ma’lumotlarni keltirmadi, biroq jangovar harakatlar boshlanganidan keyin aholi oqimi keskin oshganini aytdi. Bu vaqt ichida ruslar Serbiyada turli sohalarda - Internet xizmatlaridan tortib mehmonxona biznesi va sport maktablarigacha bo‘lgan 11,1 ming korxonaga asos solgan.
