Eron oliy rahbari Trampga javob qaytardi

Eron oliy rahbari oyatulloh Ali Xomanaiy AQSh bilan muzokaralar imkoniyatini rad etib, o‘tmish tajribasi shuni ko‘rsatadiki, bunday muzokaralar "na aqlli, na dono, na sharafli" ekanligini ta’kidladi.

Uning juma kuni Eron harbiy-havo kuchlari zobitlari bilan uchrashuvida bildirgan fikrlari AQSh prezidenti Donald Tramp Tehron bilan yangi tasdiqlangan yadroviy tinchlik bitimini tuzishga bo‘lgan chaqirig‘ini takrorlaganidan bir necha kun o‘tib aytildi.

Xomanaiyning bu bayonoti Eronning islohotchi prezidenti Mas’ud Pezeshkianning so‘nggi sa’y-harakatlariga to‘sqinlik qildi. Pezeshkian 2024 yilda G‘arb bilan muloqot o‘rnatish va’dasi bilan saylovda g‘alaba qozongan edi. Bu bayonot, shuningdek, Tehronning muzokaralar mumkinligi haqidagi avvalgi ishoralariga zid kelmoqda.

Trampning kelishuv bo‘yicha yangi urinishi AQShning Eronga nisbatan "maksimal bosim" strategiyasi doirasida sanksiyalarni qayta joriy etishi bilan bir vaqtga to‘g‘ri keldi.

Xomanaiy o‘tmishdagi muvaffaqiyatsizliklarni misol keltirib, AQSh bilan muzokaralar hech qanday sezilarli natijaga olib kelmasligini ta’kidladi.

"Biz muzokaralar olib bordik, yon berdik, murosaga keldik — lekin ko‘zlagan natijalarimizga erisha olmadik," dedi u, Trampning birinchi muddati davrida AQSh chiqib ketgan 2015-yilgi yadro kelishuviga ishora qilib.

U shuningdek, Trampning kelishuvdan voz kechishdagi roliga to‘xtalib, qo‘shimcha qildi: "Aynan bugungi kunda lavozimda o‘tirgan shaxs kelishuvni bekor qildi. U shunday qilishini aytgan edi va aytganini qildi."

Xomonayiy muzokaralarni butunlay rad etmagan bo‘lsa-da, uning so‘zlari muzokaralar ehtimoli past ekanligidan darak beradi.

2015-yilgi yadro kelishuvidan AQShni bir tomonlama olib chiqqan Tramp darhol yangi kelishuv tuzish kerakligini ta’kidladi. Seshanba kuni sanksiyalarni qayta joriy etayotib, u shunday dedi: "Eron bilan kelishuvga erisha olamizmi yoki yo‘qmi, ko‘ramiz."