Eron Yevropa bilan aloqaga chiqdi

Eron Yevropani beqarorlashtiruvchi jinoyatlarga chek qo‘yishi uchun sionistik rejimga bosim o‘tkazishga chaqirmoqda.

Eron Tashqi ishlar vaziri vazifasini bajaruvchisi Yevropa Ittifoqini sionistik rejimning mintaqaviy va xalqaro tinchlik va xavfsizlikka rahna solayotgan davomiy jinoyatlariga chek qo‘yish uchun bosim o‘tkazishga chaqirdi.

Ali Bagiri Kani Yevropa Ittifoqining tashqi siyosat bo‘yicha rahbari Jozep Borrel bilan telefon orqali suhbatda Yevropa Ittifoqi xalqaro tinchlik va xavfsizlikni saqlash mas’uliyati doirasida sionistik rejimga bosim o‘tkazib, bu rejim jinoyatlarining davom etishiga yo‘l qo‘ymaslik kerakligini aytdi.

Bagiri Falastinning Hamas harakatining siyosiy rahbari Ismoil Haniyaning Tehronda Isroil rejimi tomonidan o‘ldirilishiga ishora qilib, sionistik rejim Eronning hududiy yaxlitligi va suverenitetini poymol qilgani va ayni paytda mintaqaviy va xalqaro tinchlik va barqarorlikni xavf ostiga qo‘yganini qo‘shimcha qildi.

Uning so‘zlariga ko‘ra, Eron Tel-Avivni boshqarayotgan jinoiy to‘dani jazolash bo‘yicha o‘zining daxlsiz huquqidan albatta foydalanadi.

Jozep Borrel, o‘z navbatida, Eron o‘z hududiy yaxlitligi va suverenitetini himoya qilish huquqiga ega ekanligini tasdiqlagan, biroq mintaqada keskinlik kuchayib borayotgani, to‘laqonli urush boshlanishi ehtimoli va uning mintaqa davlatlari uchun oqibatlaridan xavotir bildirdi.