Erdog‘an: "Shvesiyani karaxt ahvolga solib qo‘yamiz"

Turkiya prezidenti Rajab Toyyib Erdog‘an Anqara Finlyandiya va Shvesiyaning NATOga a’zo bo‘lish tashabbuslariga boshqacha munosabatda bo‘lishi mumkinligini aytdi.

Bilejik viloyatida nutq so‘zlagan Erdo‘g‘an, kerak bo‘lsa Turkiya Finlyandiya va Shvesiya uchun turli bayonotlar berishini aytdi. Uning qo‘shimcha qilishicha, Stokgolm karaxt ahvolga tushib qoladi.

Shu bilan birga, Turkiya hukumati o‘z fuqarolarini Turkiyaga qarshi namoyishlar munosabati bilan Yevropaga borishdan tiyilishga chaqirdi.