Eng ko‘p millionerlar yashaydigan shahar ma’lum bo‘ldi

London millionerlar soni bo‘yicha Nyu-Yorkni ortda qoldirdi va bu ko‘rsatkich bo‘yicha dunyoda birinchiga chiqdi, deya xabar berdi «The Guardian».

Shu bilan birga, ta’kidlanishicha, London qashshoqlikda yashaydigan oilalar soni bo‘yicha ham mamlakatda yetakchi hisoblanadi.

Ma’lum qilinishicha, Londonda 874.354 ta millioner yashaydi. Bu Britaniya poytaxtining har o‘ninchi aholisi degani.

Ikkinchi o‘rinda bir million dollardan ortiq boylikka ega 820 ming kishi istiqomat qiladigan Nyu-York joylashgan.

Bundan tashqari, Buyuk Britaniyaning Mehnat va pensiya vazirligining ma’lumotlariga ko‘ra, London kam ta’minlangan oilalar soni bo‘yicha mamlakatning qolgan qismini ortda qoldiradi. Poytaxt aholisining 28 foizi «kambag‘al» deb tasniflanadi va bu respublika aholisining o‘rtacha 22 fozini tashkil etadi.