Dog‘istonda 20 ga yaqin odam terakt qurboni bo‘ldi: Dog‘istondagi teraktlar haqida so‘nggi ma’lumotlar

◼️ Hujumlar ikki shaharda sodir etilgan. Terrorchilar Derbentdagi sinagoga va cherkovga, Maxachqal’adagi sinagoga, cherkov va yo‘l polisiyasi postiga hujum qildi. Dog‘iston rahbari Sergey Melikovning aytishicha, Derbent va Maxachqal’adagi teraktlar natijasida kamida 15 nafar polisiyachi va yana bir necha tinch aholi halok bo‘lgan. O‘ldirilganlar orasida Derbentdagi cherkovda 40 yildan ortiq xizmat qilgan ruhoniy ota Nikolay ham bor edi. Isroil Tashqi ishlar vazirligi hujum vaqtida sinagogalarda hech kim bo‘lmagani va yahudiy jamiyatida qurbon bo‘lganlar yo‘qligini aytdi. Yaradorlarning umumiy soni 30 kishidan oshadi.

◼️ Maxachqal’ada to‘rt nafar, Derbentda ikkita terrorchi yo‘q qilindi. Jangarilar orasida Dog‘istonning Sergokalinsk viloyati rahbari Magomed Omarovning ikki o‘g‘li va uning jiyani ham bo‘lgan. O‘g‘illaridan biri Usmon Omarov Turkiya bilan aloqasi bo‘lgan tadbirkor edi. Sr. Omarov hibsga olingan va «Yagona Rossiya» partiyasidan chiqarib yuborilgan.

◼️ Serg‘oqali qishlog‘ida polisiya mashinasiga o‘q uzildi. Rossiyaning Abxaziya bilan chegarasida otishma yuz berdi. Bu hodisalarning barchasi bir-biriga bog‘liqmi, noma’lum.

◼️ Maxachqal’a va Derbentda terrorchilarning «uxlab yotgan» yacheykalarini qidirish bo‘yicha operasiyalar olib borilmoqda.

◼️ Dog‘istonda uch kunlik motam e’lon qilindi.