«Delta» shtammi dunyoning 100 ga yaqin davlatida qayd etildi - JSST

Koronavirusning ilk marta Hindistonda aniqlangan shtammi dunyoning100 ga yaqin mamlakatda qayd etildi. Bu haqda Jahon sog‘liqni saqlash tashkiloti bosh kotibi Tedros Adanom Gebreyesus ma’lum qildi, deb xabar beradi Anadoly agentligi.

Bosh kotib «Delta» shtammining kamida 98 mamlakatda qayd etilganligini ta’kidladi. Uning so‘zlariga ko‘ra, ushbu shtamm emlash darajasidan qat’i nazar, barcha mamlakatlarda tez tarqalmoqda.

«Delta» shtammi juda xavfli, u tez tarqaladi va mutasiyaga uchraydi", - dedi Gebreyesus.