Buyuk Britaniyaga «Arven» dovuli yaqinlashmoqda

Buyuk Britaniyaga «Arven» dovuli yaqinlashmoqda

Buyuk Britaniyaning bir qancha tumanlari yaqinlashib kelayotgan «Arven» dovuli sababli xavfning qizil (maksimal) darajasini e’lon qildi. Ayrim joylarda shamol tezligi soatiga 160 kilometrga yetishi mumkin, deya xabar beradi BBC.

Tabiiy ofat shu hafta oxirida, asosan, Angliya shimoli-sharqida va Shotlandiyada sodir bo‘lishi kutilmoqda. Rasmiylar ushbu hududlar aholisini rejalashtirilgan tashriflarini kechiktirishga, shuningdek, keksalar va qo‘ni-qo‘shnilarga alohida e’tibor qaratishga chaqirmoqda. Sohilbo‘yi shaharlarda maxsus xavfsizlik choralarini ko‘rish tavsiya etiladi.

Meteorologiya xizmati vakilining so‘zlariga ko‘ra, to‘lqinlar 9-10 metrga yetishi mumkin, shuning uchun plyajda sayr qilishni kechiktirish kerak. Markaziy Angliya to‘q sariq (o‘rtacha) xavf darajasiga ega. Sariq (eng past) janubi-g‘arbiy Angliya, Uels va Shimoliy Irlandiyada. Biroq, sinoptiklar Buyuk Britaniyada tirbandliklar, elektr ta’minotida uzilishlar, telefon va uyali telefonlarning nosozliklari bo‘lishi mumkinligidan ogohlantirmoqda. Dam olish kunlarida mamlakatning ko‘plab hududlarida Rojdestvo bayramlari va bozorlar yopildi. Yilning bu faslida havo harorati odatdagidan sovuqroq, ya’ni kechasi noldan past bo‘ladi, kunduzi esa Selsiy bo‘yicha 10 daraja atrofida bo‘ladi.

Buyuk Britaniyada «Arven» nomini olgan dovul – bu yilgi birinchi dovuldir. Atamalar odatda ma’lum bir halokatli kuchning siklonlariga beriladi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!