Buxoroda yana bir firibgarlik jinoyati fosh etildi
Sudlanuvchi J.O. muqaddam bir necha marotaba sudlanib, bundan o‘ziga ijobiy xulosa chiqarmasdan, qasddan jinoyat sodir etish yo‘liga o‘tib, aldash va ishonchni suiiste’mol qilish yo‘li bilan o‘zganing ko‘p mikdordagi mol-mulkini qo‘lga kiritib, takroran firibgarlik jinoyatini sodir qilgan. Jinoyat ishlari bo‘yicha Buxoro shahar sudi sudyasi M.J.Tojiyev "ANIQ.UZ"ga ma’lum qildi.
Chunonchi, J.O.o‘zganing mol-mulkini qo‘lga kiritib moddiy manfaatdor bo‘lish maqsadida, 2019 yil fevral oyidan 2019 yil iyun oyiga qadar “........” telekanaliga arzon narxlarda temir konteynerlar sotishi haqida o‘zining uyali telefon raqamini bergan holda yolg‘ondan e’lon berib, mazkur e’lon orqali Romitan tumani “....” MFY, ..... qishlog‘ida yashovchi fuqaro I.J.ni qo‘ng‘iroq qilganligidan foydalanib, unga arzon narxlarda temir koteyner sotib olib berishni va’da qilib, I.J.ning ishonchiga kirib, undan bir necha marotaba Buxoro shahrining turli hududlarida jami 10.000.000 so‘m, shuningdek I.J.ning o‘g‘li N.B.ni transport vositasini mast holda boshqarib, sodir qilgan ma’muriy huquqbuzarlik holati yuzasidan tayinlangan jarima jazosini to‘lashi uchun 5.200.000 so‘m pullari borligini bilib, ushbu pullarni qo‘lga kiritish maqsadida naqd pul kerak bo‘layotganligini va 5.200.000 so‘m jarimani o‘zining firmasi orqali pul ko‘chirish yo‘li bilan to‘lab berishni yolg‘ondan va’da berib, I.J.dan uning bir bosh qora molini 5.200.000 so‘mga hisoblab aldov yo‘li bilan qo‘lga kiritib, va’da qilingan temir koteynerlarni yetkazib bermasdan, ushbu pullarni o‘zining shaxsiy manfaatlari yo‘lida sarflab, firibgarlik jinoyatini sodir qilgan.
Bundan tashqari, sudlanuvchi J.O. o‘zining jinoiy harakatlarini takroran davom ettirib, 2019 yil mart oyida Romitan tumani, ....... shaharchasi, .... ko‘chasi, 000-uyda yashovchi fuqaro B.V.ning ishonchiga kirib, 6 metrli ko‘chma yuk konteynerlarni 750 AQSh dollariga sotib olib berishni va’da berib, undan avans sifatida 500 AQSh dollari miqdoridagi pullarni olib, qolgan 250 AQSh dollari miqdoridagi pullarni ko‘chma konteynerlarni aytgan manziliga yetkazib berganidan keyin olishini va’da qilib, va’da qilingan temir koteynerlarni yetkazib bermasdan, ushbu 500 AQSh dollari miqdoridagi pullarni shaxsiy manfaatlari yo‘lida ishlatib yuborib, takroran firibgarlik jinoyatini sodir qilgan.
Bundan tashqari, sudlanuvchi J.O. o‘zining jinoiy harakatlarini takroran davom ettirib, 2019 yil iyul oyida aldash va ishonchni suiiste’mol qilish yo‘li bilan o‘zganing mol-mulkini talon-taroj qilib, tekin boylik orttirish maqsadida Romitan tumani, “.......” ko‘chasi, 00-uyda yashovchi fuqaro D.A.ni ishonchiga kirib, unga tegishli bo‘lgan “Sapital” markali №SLNI000001 raqamli ko‘chma konteynerni 1000 AQSh dollariga sotib olishga kelishib, D.A.ga 600 AQSh dollari pullarni oldindan to‘lab berib, qolgan 400 AQSh dollari miqdoridagi pullarni keyinchalik berishni va’da qilib, pullarni kelishilgan vaqtda to‘lab bermasdan shaxsiy manfaatlari yo‘lida ishlatib yuborib, takroran firibgarlik jinoyatini sodir qilgan.
Shuningdek, sudlanuvchi J.O. o‘zining jinoiy harakatlarini takroran davom ettirib, 2019 yil avgust oyi boshlarida Kogon tuman, “......” MFY, ..... ko‘chasi 00-uyda yashovchi fuqaro R.S.ning ishonchiga kirib, unga Romitan tumanida yashovchi N ismli tanishiga tegishli bo‘lgan 6 metrli ikki dona “YKTU 000073” va “YKTU 000073” markali ko‘chma konteynerlarni 1.100 AQSh dollariga sotib olib berishni aytib, R.S.dan avans sifatida 250 AQSh dollari miqdoridagi pullarni olib, qolgan 850 AQSh dollari pullarni ko‘chma konteynerlarni aytgan manziliga yetkazib berganidan keyin olishini va’da qilib, ushbu 250 AQSh dollari miqdoridagi pullarni shaxsiy manfaatlari yo‘lida ishlatib yuborib, R.S.ga sotib olib berishni va’da bergan konteynerlarni keltirib bermasdan, takroran firibgarlik jinoyatini sodir qilgan.
Bundan tashqari, 2018 yil oktyabr oyining boshlarida aldash va o‘ziga bo‘lgan ishonchini suiiste’mol qilish yo‘li bilan o‘zganing mol-mulkini talon-toroj qilish maqsadida B.S.ni aldab, uning ishonchini suiiste’mol qilib, unga 1 dona 6 metrlik temir konteyner olib berishni va’da qilgan holda aldov yo‘li bilan 6.000.000 so‘m pullarini qo‘lga kiritib, ushbu pullarni o‘z ehtiyojlariga ishlatib, “1 dona 6 metrlik temir konteyner” olib bermasdan, fuqaro B.S.ga 6.000.000 so‘m miqdorda moddiy zarar yetkazib, firibgarlik jinoyatini sodir qilgan.
Shuningdek, J.O. o‘zining jinoiy harakatlarini takroran davom etirib, 2019 yil avgust oyi o‘rtalarida aldash yoki o‘ziga bo‘lgan ishonchni suiiste’mol qilish yo‘li bilan o‘zganing mol-mulkini talon-toroj qilish maqsadida, H.T. bilan Buxoro shahar ........ ko‘chasidagi “Buxoro” stansiyasi hududidagi “........ servis” MCHJga qarashli omborxonasida tanishib, ushbu omborxonasidan jami 50 tonna sement mahsulotlarini ulgurji narxlarda 36.000.000 so‘mga sotib olishga kelishib, shu 50 tonna sement mahsulotlarini olib ketib, shundan 40 tonna sement mahsulotlarining 28.200.000 so‘m pullarini berib, ishonchiga kirib, qolgan 10 tonna sement mahsulotlarining 7.800.000 so‘m pullarini ikki kun muddatda berishga va’da berib, aldov yo‘li bilan 7.800.000 so‘m pullarni qo‘lga kiritib, ushbu pullarni qaytarib bermasdan, fuqaro H.T.ga shu miqdorda moddiy zarar yetkazib, takroran firibgarlik jinoyatini sodir qilgan.
Sud, sudlanuvchi J.O.ning aybiga to‘liq iqrorlik bildirib, qilmishidan pushaymonligini, muqaddam sudlanmaganligini, oilaviy sharoitini hamda jazoni yengillashtiruvchi va og‘irlashtiruvchi boshqa holatlarni inobatga olib, sudlanuvchi J.O.ga nisbatan O‘zbekiston Respublikasi JKning 168-moddasi 3-qismi “b” bandida nazarda tutilgan jinoyatlarni sodir qilganlikda aybli deb topib, qilmishiga yarasha va shaxsiga mos jazo tayinladi.
