Bugun Janubiy Koreyaning Yechxon shahrida yengil atletika bo‘yicha 20 yoshgacha bo‘lgan sportchilar o‘rtasida Osiyo chempionati boshlandi

Bugun Janubiy Koreyaning Yechxon shahrida yengil atletika bo‘yicha 20 yoshgacha bo‘lgan sportchilar o‘rtasida Osiyo chempionati boshlandi. Unda ishtirok etayotgan O‘zbekiston terma jamoasi a’zolari ilk kunning o‘zida 2 ta kumush medalga sazovor bo‘lishdi.

Dunyozod Sayfulalev disk uloqtirish, Malika Nasriddinova yadro uloqtirish yo‘nalishlarida shohsupaning ikkinchi pog‘onasidan joy olishdi. Sayfullayev o‘z chiqishi davomida 55.58 metr natija qayd etgan bo‘lsa, Nasriddinova 15.76 metr bilan musobaqani yakunladi.

Disk uloqtirish, yigitlar:

1. Bxartprit Sinx (Hindiston) – 55.66

2. Dunyozod Sayfullayev (O‘zbekiston) – 55.58

3. Muhammadrizo Sisaxt (Eron) – 55.44

Yadro uloqtirish, qizlar:

1.Lin Jiasin (Xitoy) – 15.91

2. Malika Nasriddinova (O‘zbekiston) – 15.76

3. Gao Yirui (Xitoy) – 15.30