Britaniyaning Financial Times gazetasi Ukraina prezidenti Vladimir Zelenskiyni yil odami deb topdi
«Fevral bosqinidan oldin ko‘plab ukrainaliklar uni masxaraboz va havaskor deb bilishgan, ular yuqori lavozimdagi qiyinchiliklarni qabul qila olmasdilar, biroq 44 yoshli Zelenskiy aql bovar qilmaydigan yetakchiligi va chidamliligi tufayli tarixda o‘zining munosib o‘rnini egallashga muvaffaq bo‘ldi», deb yozadi nashr.
Ukraina Kiyevga qilingan hujumni qaytarish va Donbassda qarshi hujumni amalga oshirish bilan butun dunyoni hayratda qoldirdi, deb yozadi gazeta. U Rossiya qo‘shinlari tomonidan bosib olingan hududning yarmini qaytarib oldi, endi qish boshlanishi bilan Ukraina harbiylari butun bosib olingan hududlarni, jumladan Donbass va Qrimni ozod qilish uchun janub va sharqqa qarab harakat qilmoqda.
«Uinston Cherchill Blits paytida o‘z mamlakatini yig‘ish uchun radio orqali gapirganidek, Zelenskiy ijtimoiy tarmoqlardan G‘arbdan tinimsiz harbiy va moliyaviy yordam so‘rab, o‘z xalqining og‘ir ahvolini Yevropa va Qo‘shma Shtatlar rahbarlariga qarshi ma’naviy vositaga aylantirdi.»
«Zelenskiy, shuningdek, Ukraina xalqining Rossiya agressiyasiga qarshi kurashdagi jasorati va chidamliligining timsoliga aylandi. Aynan shu sabablarga ko‘ra Financial Times Zelenskiyni »Yil odami« deb tan oldi», - deya xulosa qiladi nashr.
