AQShdan Kubaning hududiy suvlariga kirib borgan qayiq Floridada o‘g‘irlab ketildi

Bu haqda Axios xabar bermoqda.

Amerikalik amaldorlarning nashrga bildirishicha, hodisa oqibatida to‘rt kishi halok bo‘lgan, yana olti kishi yaralangan.

AQSh hodisani tekshirmoqda va Kubaga rasmiy so‘rov yuborib, jabrlanganlar bilan uchrashishni so‘ragan.

Ekipaj a’zolari va yo‘lovchilarning ismlari oshkor etilmayapti. Amerikalik amaldorning so‘zlariga ko‘ra, kema unda ishlovchi xodim tomonidan o‘g‘irlangan bo‘lishi mumkin.

“Bortdagilarning ba’zilari sudlangan bo‘lgan. Bir nafar AQSh fuqarosi halok bo‘lgan, yana biri jarohatlanib, Kubada davolanmoqda. Yo‘lovchilardan birida AQSh fuqarosi bilan nikoh tuzish uchun K-1 toifasidagi amaldagi viza bo‘lgan, qolganlar esa AQShning qonuniy "doimiy aholisi" edi. Ularning nima maqsadda yo‘lga chiqqani esa noma’lumligicha qolmoqda”, deb yozmoqda Axios.

Qayiq egasi tergovchilarga unga plitalarni yotqizishda yordam bergan ishchidan shubhalanayotganini aytgan. Buni xodim kemani bog‘lash joyi yaqinida o‘z yuk mashinasini qoldirgani bilan izohlagan. U, shuningdek, bu ishchining Kubada oilasi, jumladan, ikkita yosh qizi borligini aytgan.

Avvalroq The New York Times nashri qayiq AQSh harbiy-dengiz kuchlariga tegishli emasligi, uning bortida o‘z qarindoshlarini olib kelish uchun Kubaga yo‘l olgan odamlar borligi haqida xabar bergan edi.