AQSh Ukrainaga yordam yuborish uchun Xitoydan qarz olishga majbur bo‘ladi

AQSh Ukrainaga 40 milliard dollar yordam jo‘natish uchun qarz olishga majbur bo‘ladi, – deydi amerikalik senator Rend Pol.

Bu haqda “Breitbart News” nashri xabar berdi. Nashrning qayd etishicha, Vashington Kiyevga o‘nlab milliard dollarlik harbiy va iqtisodiy yordam yubormoqchi, amerikaliklar esa inflyasiya hamda oziq-ovqat tanqisligi bilan kurashmoqda. Shu bilan birga, Rend Pol yordam paketining Ukrainaga o‘tkazilishiga qarshi chiqdi.

– O‘ylaymanki, Ukrainaga pul jo‘natish uchun Xitoydan qarz olishimiz kerak, – deydi senator.

Avvalroq senator ta’kidlaganidek, Kiyevga Amerika iqtisodiyotining bankrot bo‘lishi hisobiga yordam ko‘rsatish mumkin emas. U, shuningdek, AQShda davlat qarzi va inflyasiya o‘sib borayotganiga ham e’tibor qaratgan.