AQSh Eron yadroviy dasturi yaqinda nishonga olingan zarbalar natijasida jiddiy zarar ko‘rganiga ishonchi komil

Markaziy razvedka boshqarmasi Eronning yadroviy dasturi AQSh zarbalari tufayli jiddiy zarar ko‘rgani haqida ishonchli ma’lumotlarga ega.

Bu haqda agentlik rahbari Jon Retkliff ma’lum qildi.

Uning so‘zlariga ko‘ra, agentlik "tarixiy ishonchli manbadan olingan" yangi razvedka ma’lumotlariga asoslanib shunday xulosaga kelgan.

"Ishonchli razvedka ma’lumotlariga ko‘ra, Eron yadroviy dasturi yaqinda nishonga olingan zarbalar natijasida jiddiy zarar ko‘rgan. Eronning bir nechta muhim yadroviy inshootlari vayron qilingan va ular ko‘p yillar davomida qayta tiklanishi mumkin", — dedi Retkliff Markaziy razvedka boshqarmasi saytida.

Xuddi shunday fikrni AQSh Milliy razvedkasi direktori Tulsi Gabbard ham bildirdi. Uning so‘zlariga ko‘ra, Eronning Natanz, Fordo va Isfaxondagi havo hujumlari oqibatidagi yadroviy inshootlari vayron bo‘lgan, shuning uchun ularni noldan tiklashga to‘g‘ri keladi.

Shu bilan birga, Gabbardning ta’kidlashicha, OAVda qisman yo‘q qilingani haqida e’lon qilingan ma’lumotlar “ishonch darajasi past bo‘lgan maxfiy ma’lumotlarning sizib chiqishi”ga asoslangan va AQSh prezidenti Donald Tramp qarorlarini obro‘sizlantirishga qaratilgan.

Avvalroq Amerika OAVlari AQSh Mudofaa razvedka boshqarmasi hisobotiga tayanib, AQShning Eronning uchta yadroviy ob’ektiga bergan zarbalari Eron yadro dasturining asosiy tarkibiy qismlarini yo‘q qilmagani va AQSh razvedkasining dastlabki hisob-kitoblariga ko‘ra, uning rivojlanishini faqat bir necha oyga “ortga surgani” haqida xabar bergan edi.

Shundan so‘ng FQB maxfiy ma’lumotlarni oshkor qilgan shaxsga nisbatan tergov boshladi.