Andijon va Buxoro davlat universitetlarida Pedagogika institutlari tashkil etildi
Andijon va Buxoro davlat universitetlarida Pedagogika institutlari tashkil etildi.
Bu haqda tegishli Hukumat qarorlari qabul qilindi.
➖ Ushbu Pedagogika institutlarida o‘quv jarayoni 2021/2022 o‘quv yilidan boshlanadi.
➖ Shu munosabat bilan 2021/2022 o‘quv yilidan Andijon va Buxoro davlat universitetlarida pedagogika ta’lim sohasining bakalavriat ta’lim yo‘nalishlari va ularning negizidagi tegishli magistratura mutaxassisliklari bo‘yicha qabul to‘xtatiladi.
➖ O‘quvchilarni pedagogik kasbga yo‘naltirish maqsadida Andijon va Buxoro viloyatlari yetakchi ta’lim muassasalarining 10 tasida:
• 3–4-sinf o‘quvchilari uchun “O‘qish va matematik savodxonlik bo‘yicha sinflar”;
• 8–9-sinf o‘quvchilari uchun “Matematik va tabiiy fanlar savodxonligi bo‘yicha sinflar”;
• 10–11-sinf o‘quvchilari uchun “Pedagogik sinflar” tashkil etiladi.