Amazon kompaniyasining Buyuk Britaniyalik xodimlari ish tashlashdi

Koventridagi Amazon ombori ishchilari birinchi marta ish haqining pastligiga qarshi ish tashlashdi. Bu haqda chorshanba kuni Financial Times nashri ma’lum qildi.

GMB kasaba uyushmasi tomonidan tashkil etilgan ish tashlashga ming nafar xodimdan 300 nafarga yaqini qo‘shilishi kutilmoqda. Kasaba uyushmasi matbuot kotibi Amanda Giringning aytishicha, Koventridagi ombor ishchilari kompaniyaning sa’y-harakatlarini soddalashtirish jarayonida ish haqini oshirishga ishora qildi.

O‘z navbatida Amazon ish tashlash taqdim etilayotgan xizmatlar sifatiga ta’sir qilmasligini aytdi.

Avvalroq, amerikalik onlayn-riteyler Buyuk Britaniyadagi uchta ombori yopilishini e’lon qilgan edi, bu esa kamida 1200 nafar xodimni ishdan bo‘shatishiga olib kelishi mumkin.

2020 yildan beri Amazon xodimlari soni deyarli ikki baravar ko‘paydi, ammo shunga qaramay, kompaniya daromadlarining o‘sishi sekinlashdi. Shuningdek, investorlarning xarajatlarni cheklash bo‘yicha bosimi tufayli firma foyda keltirmaydigan bo‘linmalarni tekshirishga kirishgani ma’lum qilindi.

Buyuk Britaniyani 2022 yil dekabr oyidan beri inflssiyaning keskin o‘sishi va real daromadlarning pasayishi fonida ish tashlashlar to‘lqini qamrab oldi. Shifokorlardan tashqari, temiryo‘lchilar, chegara nazoratchilari, o‘qituvchilar va pochtachilar ham ishga chiqmagan.