Air Samarkand aviakompaniyasi Toshkentdan Abu Dabiga ilk reysni amalga oshirdi

Airbus A321 samolyoti 194 nafar yo‘lovchisi bilan to‘liq yuklangan holatda aniq jadval bo‘yicha parvoz qildi. Yangi yo‘nalish mavsumiy dasturga kiritilgan bo‘lib, u juma kunlari yo‘lovchilar uchun qulay vaqtda amalga oshiriladi.

Toshkent xalqaro aeroportida birinchi reys yo‘lovchilari uchun bayram dasturxoni bezatilib, tantanali ro‘yxatdan o‘tish marosimi bo‘lib o‘tdi. Yo‘lovchilar va mehmonlar ekipaj bilan esdalik uchun suratga tushishdi – bu yangi yo‘nalishning yorqin boshlanishidir.

Samolyot Toshkentdan soat 10:30 da uchib ketdi. Abu Dabidan qaytuvchi reyslar mahalliy vaqt bilan soat 15:00 da amalga oshiriladi, yo‘lovchilar Toshkentga soat 19:00 da yetib kelishadi (vaqt o‘zgarishi mumkin). Yangi reyslar uchun chiptalar Airsamarkand.com rasmiy saytida, O‘zbekiston sayyohlik agentliklari va aviakassalari orqali sotiladi. Chiptalar narxi: borish-kelish $350 va bir tomonga $160 dan (xarid sanasidagi kurs bo‘yicha).

Bu qish mavsumida dam olish uchun Amirliklarni tanlayotganlar uchun eng foydali tanlov – to‘liq paketli tur: parvoz, tavsiya etilgan 3-5 yulduzli mehmonxonalar, transferlar, ovqatlanish, sug‘urta va to‘liq xotirjamlik. Turlar aviakompaniyaning rasmiy hamkorlari - EasyBooking va Kompas Tourda mavjud.

Abu Dabi – jahon darajasidagi ob’ektlar va oq plyajlarga ega zamonaviy megapolis; oilaviy dam olish va shoping uchun, ayniqsa qulay shahar. Parvozning ochilishi O‘zbekiston va BAA o‘rtasida turizm va ishbilarmonlik sayohatlari uchun imkoniyatlarni kengaytiradi.

“Abu Dabiga birinchi reys yo‘lovchilarimizning ishonchi va hamkorlarning muvofiqlashtirilgan ishi tufayli juda muvaffaqiyatli bo‘ldi. EasyBooking, Kompas Tour va Toshkent xalqaro aeroportiga samarali hamkorlik uchun minnatdorchilik bildiramiz.

Joriy yilning yozidan boshlab Abu Dabidan O‘zbekistonga to‘g‘ridan-to‘g‘ri reyslar soni kamayib ketgan edi. Biz qulay va foydali muqobil variantni taklif qildik: sayohat maqsadiga qarab, to‘liq paketli turni tanlash yoki faqat chipta sotib olish mumkin.

Ishonchim komilki, yangi reyslar yo‘lovchilarimizga manzur keladi va mamlakat turizm infratuzilmasini rivojlantirishga hissa qo‘shadi”, – deydi Oleg Ivanov, “Air Samarkand” kompaniyasining marketing va PR bo‘yicha direktori.

2026 yilda aviakompaniya yana bir nechta talab yuqori bo‘lgan sayyohlik yo‘nalishlarini ochishni rejalashtirmoqda.

Yangi reysni ochishdan tashqari, aviakompaniya yana bir xizmatni yo‘lga qo‘ydi: Abu Dabi va Jidda yo‘nalishlaridagi yo‘lovchi reyslarining bagaj-yuk bo‘limlarida yuklarni tashish – bu yuklarni jo‘natishning tez, qulay va ishonchli usulidir.