40 yoshli elektr ustasi 7 yoshli qizchaga jinsiy tajovuz qilganlikda ayblanmoqda

Rossiyaning Kingisepp shahrida elektr ustasi bolalarga nisbatan zo‘ravonlik qilganlikda gumonlanib hibsga olindi. Bu haqda "78.ru"ga huquq-tartibot idoralaridagi manba xabar berdi.

Bir kun avval, 25 may kuni polisiyaga 27 yoshli qiz murojaat qilib, noma’lum shaxs uning 7 yoshli qizini tunda bezovta qilganini ma’lum qilgan. Ma’lumotlarga ko‘ra, elektr ustasi dastlab ularning xonadoniga, so‘ng bola yotgan xonaga kirgan.

40 yoshli elektr ustasi jinsiy aloqada gumonlanib hibsga olingan. U avval zo‘rlashda ayblanib sudlangandi. Holat yuzasidan jinoiy ish qo‘zg‘atilgan.