4 avgust kungi test natijalari e’lon qilindi

DTM bergan xabarga ko‘ra, (https://t.me/rasmiydtm/127) bakalavriat ta’lim yo‘nalishlari bo‘yicha 4 avgust kuni topshirilgan test sinovlaridagi eng yuqori ballar:

a) kunduzgi ta’lim shakli bo‘yicha:
Toshkent moliya institutining 5230100 – Iqtisodiyot (tarmoqlar va sohalar bo‘yicha) – 189,0 ball (100%lik natija);

b) sirtqi ta’lim shakli bo‘yicha:
Toshkent davlat iqtisodiyot universitetining 5230100 – Iqtisodiyot (tarmoqlar va sohalar bo‘yicha) – 183,5 ball;

v) kechki ta’lim shakli bo‘yicha:
Toshkent davlat sharqshunoslik institutining 5231006 – Xorijiy mamlakatlar iqtisodiyoti va mamlakatshunoslik: Xitoy ta’lim yo‘nalishi – 122,0 ball.

Kecha va avvalgi kuni test topshirganlar o‘z ballarini cabinet.dtm.uz sayti orqali shaxsiy kabinetlariga kirib tekshirib olishlari mumkin. Buning uchun pasport seriyasi yoki ID kodni kiritish kifoya.