Tramp Rossiyaga nisbatan fikridan qaytdi

Axios: Tramp Putin unga urushni yakunlash uchun real shartlarni bayon etishgaga va’da berganini aytib, Rossiyaga nisbatan yangi sanksiyalar joriy etishdan voz kechdi, jeya yozmoqda Axiosga tayanib, Telegramdagi 23,5 burchak ostida kanali.

Nashrning manbalariga tayanib xabar berishicha, AQSh prezidenti bu haqda Vladimir Putin bilan telefon orqali muloqotdan so‘ng yevropalik yetakchilar va Zelenskiyga ma’lum qilgan.

"Tramp, shuningdek, AQSh Rossiya va Ukraina o‘rtasidagi muzokaralarda qatnashmasligini bildirdi, bu esa uning tinchlik jarayonidan deyarli to‘liq voz kechayotganini anglatadi. Yevropa yetakchilari bunga e’tiroz bildirib, muzokaralarda “kimdir hakam bo‘lishi kerak”ligini aytishdi", deya yozmoqda Axios.

Nashr manbalariga ko‘ra, Tramp yevropalik siyosatchilarga Putin o‘t ochishni to‘xtatish bo‘yicha bevosita muzokaralarga rozi bo‘lganini aytganda, "bir necha soniyalik hayratli sukunat" yuzaga kelgan. Zelenskiy esa bunga javoban Putin ilgari ham muzokaralarga rozi bo‘lganini, uning birinchi raundi juma kuni Istanbulda bo‘lib o‘tganini eslatgan, Qo‘shma Shtatlar bunga bevosita javob bermagan.

Shunda Zelenskiy Trampga muzokaralarni 30 kunlik zudlik bilan o‘t ochishni to‘xtatish bilan boshlash aynan uning g‘oyasi bo‘lganini eslatishgan.

Evropa rasmiylari sanksiyalar kiritish imkoniyatini so‘rashganida , Tramp hozircha bu yaxshi g‘oya emasligini aytgan, chunki uning fikricha, Putin kelishuvga erishishni xohlamoqda. Tramp Rossiyaning o‘t ochishni to‘xtatish va Ukraina mojarosini tugatish bo‘yicha takliflar tayyorlayotganini bildirgan va Putin bilan kelishishga bo‘lgan imkoniyatni ko‘rib chiqish uchun "maqbul variant" taqdim etishni so‘ragan.