Зеленский: Херсоннинг ўққа тутилиши — мағлуб бўлганларнинг қасоси

Украина президенти Владимир Зеленский кечки видеомурожаатида Россиянинг ракета зарбалари натижасида Херсондаги вайронагарчилик ҳақида фикр билдирди.

"Деярли ҳар соатда мен босқинчиларнинг Херсон ва минтақадаги бошқа ҳудудларга ҳужуми ҳақида эшитаяпман. Бу террор рус армияси Херсондан чекинишга мажбур бўлганидан сўнг дарҳол бошланди. Бу — мағлуб бўлганларнинг қасоси. Улар жанг қилишни билишмайди. Улар қила оладиган ягона нарса — бу ё энергетика террори, ё артиллерия, ёки ракета террори холос”, — деб таъкидлади Зеленский.