Зангиота туманида 105 млн сўмлик дори воситаларининг ноқонуний муомалага киритилишининг олди олинди
Бош прокуратура ҳузуридаги Департамент ҳамда ДБҚнинг Тошкент вилояти бошқармалари томонидан ўтказилган тезкор тадбирда, фуқаро Х.К. ва Р.Ж.лар олдиндан тил бириктириб, дори воситаларини дорихоналардан ва уларнинг филиалларидан ташқарида реализация қилиш орқали ноқонуний даромад орттиришни кўзлаб, Зангиота тумани “Бек-барака” савдо мажмуаси автотураргоҳида 10 минг қути “Цефоперазон 1.0 гр и Сульбактам 0.5 гр” номли дори воситасини, жами 105 млн сўмга харидорга сотган вақтида ашёвий далиллар билан ушланганлар.
Мазкур ҳолат юзасидан Х.К. ва Р.Ж.ларга нисбатан Жиноят кодексининг 186-3-моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
