Холанд Nike'нинг мижозига айланди
Норвегия ва «Манчестер Сити» клуби юлдузи Эрлинг Холанд Nike билан ҳомийлик шартномасини имзолади, деб хабар беради Daily Mail. Келишув тафсилотлари ошкор этилмаган.
Қайд этилишича, 22 ёшли футболчига Adidas ва Puma компаниялари ҳам қизиқиш билдирган, бироқ танлов америкалик спорт анжомлари ишлаб чиқарувчиси фойдасига қилинган.
Скандинавиялик тўпурар ўтган ёздан бери «Манчестер Сити»да тўп тепмоқда. Унинг клуб билан амалдаги шартномаси 2027 йилнинг июнь ойи охиригача амал қилади.
Холанд Премьер-лиганинг жорий мавсумдаги энг яхши тўпурари ҳисобланади. Унинг ҳисобида 28 та гол бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
