Херш: 2023 йилнинг ёзи ва кузи Европа учун фалокатга айланади

Америкалик тадқиқотчи журналист Сеймур Херш RT телеканалига берган интервьюсида 2023 йилнинг ёзи ва кузи Европа учун фалокатга айланишини айтди.

Журналист мисли кўрилмаган инфляцияни қайд этиб, Европадаги умидсиз вазият ҳақида гапирди.

Унинг сўзларига кўра, Европа давлатлари “етарли миқдорда ишлаб чиқарилмайдиган ва нархи 3-4 баробар қимматга тушадиган” суюлтирилган газ билан курашишга ҳаракат қилмоқда.

“Улар ўз мамлакатлари аҳолисини иситиш учун етарли газга эга бўлмайди. Нафақат Германияда, балки Ғарбий Европада ҳам шундай вазият”, - дейди у.

Журналист, шунингдек, илгари Россия гази шунчалик кўп бўлганки, Германия уни қайта сотиши мумкинлигини айтди. Унинг сўзларига кўра, "ортиқча рус газини бошқа компанияларга сотувчи компаниялар бўлган", аммо "ҳозир буларнинг барчаси йўқолган".

Хершнинг қайд этишича, Ғарбнинг Россияга нисбатан санкциялари самара бермаган.

“Санкциялар иш бермади. McDonalds кетган бўлиши мумкин, лекин улар ҳали ҳам гамбургер сотишади. Мамлакат ўлмайди, одамлар у ерда ўзлари учун яшайди ”, деди Херш.

Унинг фикрича, “бу йилнинг ёзи ва кузи Европа учун фалокатга айланади”.

“Ва [бу] Байденнинг бошига тушади. У ўзини [Демократик партиядан] қайта сайланиш ёки қайта номзод қилиб кўрсатиш имкониятини кафолатламоқчи эди. Бу барбод бўлади”, деб башорат қилмоқда журналист.