Шольц бунга чек қўйди
Германия Украинага узоқ масофага учувчи «Таурус» ракеталарини юбориш ниятида эмас ва бу якуний қарор.
The Guardian хабарига кўра, Германия канцлери Олаф Шольц жума куни бўлиб ўтган матбуот анжуманида шундай деди.
«Германия биз нима қилишимиз ва нима қилмаслигимиз ҳақида аниқ қарор қабул қилди. Бу қарор ўзгармайди», - деди Шольц.
Германия кўплаб сўровларга қарамай, Украинага ўзининг узоқ масофали «Таурус» ракеталарини етказиб беришдан бир неча бор бош тортган. Шу билан бирга, Украинага узоқ масофали қуролларни топширган АҚШ ва Буюк Британия Украинага Россия ҳудудига зарбаларни кенгайтиришга рухсат бериш имкониятини фаол муҳокама қилмоқда. Шу билан бирга, Германия мудофаа вазири Борис Писториус АҚШ ва Буюк Британиянинг келишуви «ўз иши бўлиб қолиши»ни айтди.
