Мисрда Россиядан келган сайёҳларни олиб кетаётган автобус ағдарилиб кетди

Мисрнинг Сувайш-Қоҳира трассасида автобус билан содир бўлган ЙТҲда россиялик 21 сайёҳ жабрланди . Бу ҳақда манбага таяниб Cаиро24 хабар берди .

«Сувайш вилоятининг тергов органлари Сувайш-Қоҳира йўлида ағдарилиб кетган, натижада турли миллатдаги 43 сайёҳ ва тўрт мисрлик, шу жумладан ҳайдовчи жароҳатланган сайёҳлик автобуси ҳайдовчисини ҳибсга олишга қарор қилди», — дейилади нашр.

Нашр маълумотларига кўра, 11 нафар Туркия , икки нафар Британия фуқароси , шунингдек, 21 нафар Россия ва тўққиз нафар Италия фуқароси жароҳатланган . Нашр манбасига кўра, маҳаллий тергов идоралари гуруҳи зарур чоралар кўриш мақсадида воқеа ва унинг сабабларини ўрганмоқда.