Ўзбекистонда камбағаллик чегараси белгиланди

Ўзбекистонда камбағаллик чегараси белгиланди

Ўзбекистонда киши бошига минимал истеъмол харажатлар бир ойда 498 минг сўмни ташкил этиши ҳисоб-китоб қилинди. Мазкур кўрсаткичдан мамлакатда камбағаллик чегарасини белгилашда фойдаланилади.

Давлат статистика қўмитасининг хабар беришича, минимал истеъмол харажатлари қиймати 2021 йилда республиканинг барча ҳудудларида 10,6 минг уй хўжаликлари ўртасида ўтказилган кузатув натижалари асосида ҳисобланган.

Ўзбекистон Республикаси Вазирлар Маҳкамасининг 2021 йил 27 августдаги «Минимал истеъмол харажатлари қийматини ҳисоблаш тартибини амалиётга жорий этиш тўғрисида»ги 544 сон қарорига асосан 2021 йилда республиканинг барча ҳудудларида 10,6 минг уй хўжаликлари ўртасида ўтказилган кузатув натижалари асосида минимал истеъмол харажатлари қиймати ҳисобланган.

Бунда халқаро услубиётдан келиб чиқиб, минимал истеъмол харажатларни ҳисоблашда сўровномада иштирок этган уй хўжаликлари харажатлари миқдори бўйича ўнта гуруҳга ажратилиб, ушбу оилалар орасидан энг кам харажат (даромад)га эга бўлган 30 фоиз уй хўжаликлари ажратиб олинди.

Сўровнома асосида мазкур уй хўжаликларида жон бошига кунлик истеъмол қилинадиган озиқ-овқат (2200 килокалория) ва зарур бўлган ноозиқ-овқат товарлар ҳамда хизматлар учун минимал истеъмол харажатлар бир ойда киши бошига 498 минг сўмни ташкил этиши ҳисоб-китоб қилинган.

Маълумки, 2020 йилда 5,4 минг уй хўжалиги ўртасида ўтказилган сўровнома якуни бўйича дастлабки ҳисобланган минимал истеъмол харажатлари 2021 йил нархларида 440 минг сўмни ташкил этиб, ўтган йилнинг май ойида эълон қилинган.

Жаҳон тажрибасида минимал истеъмол харажатлари кўрсаткичидан камбағаллик чегараси сифатида фойдаланиш кенг тарқалган бўлиб, мазкур кўрсаткичдан:

  • давлатнинг моддий ва бошқа ижтимоий кўмакларига муҳтож аҳолининг мақсадли (таргет) гуруҳини аниқлаш;
  • мамлакат камбағаллик чегарасини белгилашда фойдаланиш ва бунда таргет гуруҳдаги аҳолининг реал истеъмол хусусиятлари ва талабларини инобатга олиш;
  • камбағалликка қарши курашиш стратегияси ва дастурларида белгиланган вазифа ва чора-тадбирларнинг натижадорлиги ҳамда манзиллилигини ошириш, шунингдек, уларнинг доимий мониторингини юритиш;
  • пенсиялар ва нафақаларнинг энг кам миқдорини белгилаш, шунингдек, камбағал оилаларга бериладиган бошқа турдаги моддий кўмакларни кўрсатишда мезон сифатида фойдаланилади.

Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!

Билдирилган фикрлар (16 )

    Фаррухбек
    Касалчилик бумосо касалчилик булсо Томом сани 440 мингни 10. Зиёд кетади 1 мартага
    R
    Ово шуни айтаман манам.Ноовиго етсин ви 440.
    Ulugʻbek
    BIR KISHIDA
    Bir oyda 498 ming so'm

    1 KUNDA 3 TA NON 6000 SO‘M 1 OYDA 180.000 SO‘M BO‘LADI
    1 KUNDA 3 TA ENG YAXSHI HOT-LANCH 9000 SO‘M 1 OYDA 270.000 SO‘M BO‘LADI
    1 KUNDA 3 TA BEZ GAZ SUV 6000 SO‘M 1 OYDA 180.000 SO‘M BO‘LADI

    HAMMASI BO‘LIB 630.000 SO‘MNI TASHKIL ETADI

    498.000 MING YETMADIKU XALI GO‘SHT SHAKAR MASLA SUT QATIQ MEVALAR YO‘Q 🤣🤣🤣🤣🤣🤣🤣
    Salom
    Jinimi bular odamlarni masqara qiladi gusht 80000 kamunal tulovlar kiyim kiyish kerak rashodni hisoblagincha bozorni nazorat qisin porahur haromilar
    Iskandar
    Orada òylamagan jekpòt rasxòtlar chiqib qoladi
    R
    ++++++
    ....
    Xa nonni kuniga bir burda yesak kerakde xotlanchni ikki bulib iwlatilsa kk
    И
    Жарималарчиииии.... Битта тезликни жаримасигаям етмайдию
    Axmad
    Kamunal 1 oyda 1 millonda oshadi
    Samandar
    Non suvdan boshqa narsani qo'shmaganmi deyman
    Abboc
    Gurkuvlardi iwitini kupaytiradi bular
    Guli
    220000 bir qop un. 80000 5 l yog. 15kg kartoshka 75000, 15 kg sabzi 22000, piyoz 10 kg 20000, 2 kg mol gosht 130000, 2 kg tovuq goshti 60000, 2 kg qant ( novvot+ oqqant) 20000, 2 kg makron 14000, guruch 6 kg 50000, 2 kg qaymoq 60000, 2 ketka tuhum 60000, +200000 maydaa chuydaga. 1 020 000 som. Besh kishilik oilaga bir oyga yetadi. Umrida 200 000 som pul ushlamagan odamlarr bor.
    Равшанбек
    Янги Ўзбекистонда инсон қадрини
    Равшанбек
    Улуғлайлик
    ВИД
    Янги 2022 йилда янги-янги ковунчилар купайишни бошлашибдида. Булардан Оллохни узи асрасин.
    Shov
    Siz kop hisoplavordiz nonni yopganmas bitta buhonka hisoplen togri keladi😂😂😂