Ўзбекистон футзал терма жамоаси Россияга қарши биринчи ўйинда ютқазди

Футзал бўйича Ўзбекистон терма жамоаси Нижний Новгород шаҳрида Россияга қарши дастлабки ўртоқлик учрашувини ўтказди. Унда мезбонлар 4:2 ҳисобида ғалаба қозонишди.

Учрашувдаги ҳисобни терма жамоамиз очди. "Стандарт"дан фойдаланиб, Акбар Усмонов дарвозани ишғол қилди. Россияликлар танаффусга қадар ҳисобда тенглаштиришди.

Руслар иккинчи бўлимни фаол бошлашди ва дастлабки 6 дақиқа ичида иккита гол уришди. 31-дақиқада эса Илҳом Ҳамроев ҳисобни биттага қисқартирди.

Ўйин тугашига 3 дақиқа қолганида Россия тўртинчи голни уришга муваффақ бўлишди. Баҳс сўнгида Ўзбекистон беш футболчи тактикасида ҳаракат қилди, аммо рақиб дарвозасига йўл тоа олмади.

Футзал. Назорат учрашув
РОССИЯ - ЎЗБЕКИСТОН - 4:2
Голлар: Андрей Панкратов (17), Янар Асадов (23, 37), Артём Антошкин (26) – Акбар Усмонов (10), Илҳом Ҳамроев (31)