Ўзбекистон бокс федерацияси Осиёда тенгсиз деб топилди

Куни кеча Таиланднинг Бангкок шаҳрида Осиё бокс конфедерациясининг навбатдан ташқари конгресси бўлиб ўтди.

Ушбу конгрессда Осиё бокси атрофидаги турли масалалар кўриб чиқилди. 2022 йилда Осиё минтақасида бўлиб ўтган барча мусобақалар ҳисоботлари тақдим этилди.

Қувонарлиси, Ўзбекистон бокс федерацияси ўтган 2022 йилда медаллар жамғариш бўйича Осиё қитъасининг “Йил федерацияси” дея тан олинди ва Осиё бокс конфедерацияси томонидан махсус мукофот билан тақдирланди.

Ушбу мукофотни Ўзбекистон бокс федерацияси раиси маслаҳатчиси Малик Бабаев қабул қилиб олди.