Ўқишга киритиб қўйиш билан боғлиқ фирибгарлик ҳолатлари фош этилди

Бош прокуратура ҳузуридаги Департамент ҳамда ДХХнинг Наманган вилояти бошқармалари томонидан ўтказилган тезкор тадбирда, фуқаро О.Э. фуқаро А.нинг танишини Наманган давлат университетининг жисмоний маданият факультетига ўқишга киритиб қўйиш эвазига 4 000 АҚШ доллари ва 22 млн сўмни олган вақтида ашёвий далиллар билан ушланган.

Шу каби, Самарқанд шаҳар бўлими томонидан ўтказилган тезкор тадбирда, фуқаро Х.Н. бошқа бир фуқаро Ж.ни Самарқанд давлат универитетига ўқишга киритиб қўйиш эвазига, 2 000 АҚШ долларини олган вақтида ушланган.

Когон шаҳар бўлими томонидан ИИБ ходимлари ҳамкорликда ўтказилган тезкор тадбирда эса, фуқаро Н.Э. фуқаро М.ни 1 500 АҚШ доллари эвазига танишлари орқали Бухоро шаҳридаги Жамоат саломатлиги техникумига ўқишга киритиб қўйишни ваъда қилиб, олдиндан 400 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.