Украинада карантин 22 июнгача узайтирилди. Аммо...

Украина Вазирлар Маҳкамаси карантин чекловларини 22 июнга қадар узайтирди ҳамда 22 майдан чеклов чораларини юмшатишнинг иккинчи босқичига ўтишга қарор қилди. Ҳукумат бу қарорни 20 май куни бўлиб ўтган йиғилишда қабул қилди, деб хабар бермоқда ТАСС.

Бош вазир Денис Шмигалнинг тушунтиришича, карантин “адаптив модел” бўйича амалга оширилади. “Бу технологик, экологик хавфсизлик ва фавқулодда вазиятлар бўйича минтақавий комиссияларга авария ҳолатларида эпидемияга қарши чекловларни кучайтиришга имкон беради”, дейди вазир.

Ҳукумат қарорига биноан, май ойидан жамоат транспорти фаолиятини қайта бошлайди, аммо минтақалараро йўловчи ташиш тақиқланади. Меҳмонхоналар очилади. Шу вақтдан бошлаб томошабинларсиз спорт тадбирларига ҳам рухсат берилади. Шу билан бирга, ҳукумат метро ва болалар боғчаларини тиклашни 25 майгача кечиктиришга қарор қилган.

Бош вазирнинг сўзларига кўра, аэропортлар фаолиятини 15 июндан олдин тиклашнинг иложи йўқ. Чунки барибир, бошқа мамлакатлар аэропортлари ёпиқ.