Twitter улкан “тозалаш”ни амалга оширади. Аккаунтни сақлаб қолиш учун нима қилиш керак?

Twitter улкан “тозалаш” ишларини амалга оширади. Шу йўл билан нофаол ва вафот этган фойдаланувчиларнинг аккаунтлари ўчириб ташланади. Бу ҳақида Engadget портали хабар берди. Хўш, ўз аккаунтини сақлаб қолиш учун нима қилиш керак?

Компания мутасаддиларининг маълум қилишича, фойдаланувчи агар ўз аккаунти ўчириб ташланмаслигини хоҳласа 2019 йил 11 декабргача авторизация(қайта рўйхат)дан ўтиши керак. Бу ўз профилига ярим йилдан кўп вақт кирмаганларга тааллуқли.

Хабар берилишича, бу компания тарихидаги бу каби биринчи “тозалаш”дир.