Тўққиз йиллик адоват! Меган Маркл яна Женнифер Энистон билан дўстлаша олмади

Сассекс герцогиняси Меган Маркл ва Женнифер Энистон ўртасидаги низо қарийб тўққиз йилдан буён давом этиб келмоқда, деб хабар берди “New Idea”.

Маълум қилинишича, қироллик оиласини тарк этганидан сўнг Маркл актриса билан алоқа ўрнатишни хоҳлаган, аммо бундан ҳеч нарса чиқмаган.

Маълумотларга кўра, Энистон Марклни иккиси ҳам 2011 йилда бирга суратга тушган "Чидаб бўлмайдиган бошлиқлар" фильмини танқид қилганидан кейин ёқтирмай қолган. Манбанинг таъкидлашича, ўшанда Марклга картинадаги ролининг 30 сониягача камайтирилгани хуш келмаган, Энистон эса буни суратга олиш майдончасида эътиборсиз қолдирган.

Кейинчалик шаҳзода Гарри бўлажак рафиқасини "Женнифердан ёмон эмаслигини ва бир кун келиб буни унга кўрсатиб қўйишини" айтган.

Бундан ташқари, 2000-йилларнинг бошларида Меган Маркл Голливудда машҳурликка эришган пайтида "кейинги Питт хоним бўлишни хоҳлайман" деб таъкидлаган.

“Афсуски, Энистон бу ҳақда билиб қолган ва ўшандан бери ҳамкасбига бўлган ғазабини яширмай келмоқда”, дейди манба.

"Меган ва Гарри шу йил бошида Лос-Анжелесга кўчиб келганида герцогиня Энистон билан дўстлашиш учун қадамлар қўйди, аммо рад этилди", деб ёзди газета.