Тошкентдаги кафелардан бирида ёнғин чиқди

Бугун, 18 январь куни соат 18:08 да Тошкент шаҳар Яккасарой тумани Бешёғоч кўчасида жойлашган ҳозирда иш фаолияти тўхтатилган кафеда ёнғин содир бўлаётганлиги тўғрисида шаҳар ФВБга хабар келиб тушган.

Шунга кўра, 4 та ёнғин-қутқарув экипажи воқеа жойига соат 18:15 да етиб бориб, ёнғин соат 18:30 да қуршаб олинган ва соат 18:33 да бартараф этилган.

Ёнғин натижасида бино ичидаги таҳминан 50 кв.м. майдонда чиқиндилар ёнган.

Ҳодиса оқибатида жабрланган ва ҳалок бўлганлар йўқ.

Ҳозирда ёнғиннинг келиб чиқиш сабаби ва моддий зарар миқдори аниқланмоқда.