Тошкентда хонадонлардан бири ёниб кетди
Бугун 23 июль куни соат 11:39 ларда Олмазор тумани, Юксалиш кўчасида жойлашган хонадонлардан бирида ёнғин келиб чиққан. Ёнғин натижасида уйнинг ички ва том қисми 120 кв.м майдонда ёнган. Ёнғин-қутқарув жанговар бўлинмалари манзилга соат 11:46 да етиб борган ва кўрилган тезкор чора ва ҳаракатлар натижасида ёнғин соат 12:11 да бартараф этилиб 600 кв.м майдони сақлаб қолинган ҳамда уйга туташ қўшни хонадонларнинг ёнғин натижасида зарар кўриш ва фуқаролар жабирланишининг олди олинган. Ёнғин жойига 4 та ёнғин-қутқарув техникаси жалб қилинган.
Ёнғин сабаблари ва ёнғиндан келтирилган моддий зарар миқдори аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
