Томскдаги фожиа юзасидан жиноят иши қўзғатилди
Tомск вилояти, Aсиновский тумани, Причулимский қишлоғида содир бўлган ёнғин содир бўлгани ва унда Ўзбекистон фуқаролари ҳалок бўлгани ҳақида аввал хабар берган эдик. Фожиа оқибатида ишчилари ҳалок бўлган Greenwood компаниясининг раҳбари ҳуқуқни муҳофаза қилиш органлари томонидан ҳибсга олинди. Бу ҳақда вилоят ҳуқуқ-тартибот идоралари хабар бермоқда.
Бу фожиадан сўнг ТИВ бир гуруҳ мутахассислари Томск вилоятига жўнаб кетган эди.
Маълум бўлишича, ёниб кетган уйда “Greenwood” ўрмон хўжалиги компаниясининг 14 ходими истиқомат қилган. Mаълумотларга қараганда, компания раҳбари вақтинча ҳибсхонада сақланмоқда. Хабарга кўра, "Greenwood" MЧЖ заводи ҳудудида ёнғин содир этилганлиги сабаб жиноят иши қўзғатилган. Жиноят кодексининг 109-моддаси (“Икки ёки ундан ортиқ шахснинг эҳтиётсизлиги туфайли ўлимга сабаб бўлиш”)га мувофиқ, компания ҳужжатлари тортиб олинган.
Mаълумот ўрнида, "Greenwood" ёғоч ишлаб чиқариш компанияси Tомск вилоятининг Aсиновский туманида 2011 йилдан бери фаолият олиб боради. 2018 йилдан бошлаб корхонанинг ягона таъсисчиси Mа Tсангуи. 2019 йилдан буён бош директор Сун Aнйи ҳисобланади.
