Токиода Boeing самолёти носозлик туфайли мажбурий қўнишга тўғри келди

Япониянинг Japan Airlines (JAL) авиакомпаниясига қарашли Boeing 777 йўловчи самолёти Токионинг Ханэда аэропортига ҳалокат шароитида қўнишга мажбур бўлди, деб ёзмоқда Киодо агентлиги.

Маҳаллий вақт билан эрталаб соат 9 ларда Токио- Наху йўналишида парвоз қилаётган самолёт осмонга кўтарилгандан кейин яна Ханэда аэропортига қайтиб қўнишга мажбур бўлган.

Агентликнинг маълум қилишича, бунга чап двигателдаги носозлик сабаб бўлган, воқеанинг бошқа тафсилотлари келтирилмаяпти.

Самолёт бортида 300 киши бўлгани, ҳеч ким жабр кўрмагани айтилмоқда.