Танзанияда паром чўкиши қурбонлари хотирасига 4 кунлик мотам эълон қилинди

Танзания президенти Жон Магуфули Виктория кўлида йўловчи пароми чўкиши оқибатида юзлаб одамлар ҳалок бўлгани муносабати билан 4 кунлик мотам эълон қилди. 

“Мен бугундан бошлаб 4 кунлик мотам эълон қилишга қарор қилдим”, деб айтган Магуфули.

Аввалроқ хабар қилинганидек, паром 20 сентябрда Юкора ороли причалидан 50 метр нарида тўнкарилиб кетган. Бу пайт паром бортида 200 киши – у кўтара оладигандан 2 марта кўпроқ одам бўлган. Бундан ташқари, паромга турли юк, жумладан макка солинган қоплар, банан ва цемент ортилган бўлган. Паром чўкиши оқибатида 136 киши ҳаётдан кўз юмган.

Manba: kun.uz