Сурхондарёда юртимизга қурол олиб киришга уринган чет эллик фуқаро тўхтатилди
Божхона ходимлари томонидан навбатдаги қонунбузилиш ҳолатига чек қўйилди.
Хусусан, Сурхондарё вилояти “Сариосиё” чегара божхона постига қўшни давлатдан ўзининг “Фольксваген Джетта” русумли енгил автомашинасида кириб келган хорижий давлат фуқароси Ю.А. белгиланган тартибда божхона назоратидан ўтказилди.
Текширув натижасида, ушбу шахснинг автомашинасида божхона юк декларациясида кўрсатилмаган ва божхона ходимларининг оғзаки сўровида маълум қилинмаган пневматик тўппонча, 5 дона газ баллони ва 630 дона пўлат ўқлар борлиги аниқланди.
Ҳозирда мазкур ҳолат юзасидан божхона текширувлари олиб борилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
