Швеция Ташқи ишлар вазирлиги: "Дин НАТО келишувининг бир қисми эмас"

Дин ва унга алоқадор масалалар Туркия, Швеция ва Финляндия ўртасидаги НАТОга аъзо бўлиш ҳақидаги меморандумнинг бир қисми эмас. Бу ҳақда Швеция ташқи ишлар вазири Тобиас Биллстрем айтиб ўтди.

Биллстрем Швеция матбуотига берган интервьюсида ўз мамлакати Швеция, Финляндия ва Туркия ўртасида тузилган меморандумнинг барча шартларига амал қилаётганини айтиб, дин келишувнинг бир қисми эмаслигини қайд этди. Вазир яқинда Швецияда "Қуръон" ёқиб юборилган воқеадан Туркия нима учун хафа бўлганини тушунишини қўшимча қилди.

«Энди вазиятни ҳар томондан юмшатиш зарур», деди у ва Туркия билан музокаралар давом этаётганини таъкидлади.