Шайтонга иш қолдирмайдиганлар бор...
Қуръон тиловатини энди бошлаганингизда телефонингиз жиринглаб қолади...
– Икки ракат намозни ўқишни ният қилганингизда телеграм, ватсап ёки мессенжердан мактуб келиб қолади...
– Энди китоб мутолаа қиламан деб турганингизда дўстингиз бирор мавзуни очиб қолади...
– Бирор яхшиликни амалга оширмоқчи бўлсангиз, уни тўхтатувчи бирор ҳодиса юз бериб қолади...
Ибн Қоййум бу ҳақда қуйидагиларни айтади:
Қачон бир банда тоат-ибодатни адо этишга юзланса, Аллоҳ таоло унинг ростгўйлигини аниқлаш мақсадида бир чалғитувчини юборади. Агар банда унга қарши курашиб, сабр қилса ва унда мустаҳкам турса, ҳалиги чалғитувчи нарса ўрнига тоат-ибодатга ёрдам берувчи келади. Аллоҳ таоло бу ҳақда: "Бизнинг (Йўлимиз)да жиҳод (жидду-жаҳд) қилган зотларни албатта Ўз йўлларимизга ҳидоят қилурмиз", деб айтган, (Анкабут сураси, 69-оят)