Шавкат Мирзиёевнинг фармони: пенсионерларнинг 20 млрд сўмлик қарзларидан воз кечилади
Президент Шавкат Мирзиёев фармони билан 16,5 минг пенсионернинг ортиқча ҳисобланган пенсия бўйича 20 млрд сўмлик қарзларидан воз кечилмоқда.
Шунингдек, ишловчи пенсионерларга 1 майдан тўғридан-тўғри Пенсия жамғармаси орқали пенсия тўланади.
Бундан ташқари, 2020 йил 1 апрелдан 2020 йил 1 октябргача Ўзбекистон "Маҳалла" хайрия жамоат фонди, "Саховат ва кўмак" жамғармаси, "Ўзбекистон Меҳр-шавқат ва саломатлик" жамоат фондига, шунингдек, маҳаллий давлат ҳокимияти органлари томонидан шакллантириладиган ижтимоий ёрдамга муҳтожлар рўйхатига киритилган жисмоний шахсларга беғараз берилган пул маблағлари, товарлар ва хизматлар:
✅ даромад солиғини ҳисоблашда ушлаб қолинадиган харажатлар сифатида қаралади;
✅ ҚҚСдан озод этилади;
✅ айланмадан олинадиган солиққа тортиш объектига киритилмайди.
❗️Ижтимоий ёрдамга муҳтожлар рўйхатига киритилганлар Ўзбекистон "Маҳалла" хайрия жамоат фонди, "Саховат ва кўмак" жамғармаси, "Ўзбекистон Меҳр-шавқат ва саломатлик" жамоат фонди, юридик ва жисмоний шахслардан беғараз ёрдам олганда жисмоний шахсларнинг даромади сифатида қаралмайди.
