Россия Украина энергетика объектларига тунда зарба берганини айтмоқда

Россия Мудофаа вазирлиги кечада Украина энергетика объектларига юқори аниқликдаги қуроллар ва учувчисиз самолётлар билан зарба берганини маълум қилди.

Вазирлик маълумотларига кўра, Украина ҳарбий-саноат комплекси корхоналари фаолиятини таъминловчи энергетика объектлари ва Украина Қуролли кучлари жойлаштириладиган жойлар зарбага учраган.

Украинанинг бир қанча ҳудудлари кечаси Россия ҳаво ҳужумлари ҳақида хабар берди. Украина ҳаво ҳужумидан мудофаа кучлари 5 та ракета ва 11 та учувчисиз учиш аппарати тутиб олинганини айтди.